Ismajli rikthehet për të luajtur me Empolin pas lëndimit, një nga më të mirët në fushë

18:37 | 5 Maj 2024
D.H

Futbollisti i Kombëtares shqiptare, Ardian Ismajli kishte dy muaj jashtë fushave të lojës, që kur u lëndua në ditët e para të marsit në ndeshjen e Serisë A kundër Milanit.

Por ai më në fund ka lënë pas të gjithë problemet fizike dhe është kthyer përsëri të luajë me Empolin.

Ai sot ka luajtur nga minuta e parë deri në fund të sfidës kundër Frozinones, ndeshje kjo e mbyllur me rezultat 0-0.

Ismajli ishte një ndër më të mirët në fushën e lojës dhe sipas vlerësimeve statistikore të “SOFASCORE”, meritoi notën 7,3 për atë që shfaqi në fushën e lojës në një duel delikat për mbijetesën mes dy skuadrave që po përpiqen të qëndrojnë jashtë zonës së ftohtë të klasifikimit.

Pas këtij barazimi skuadra e Ismajlit është në vendin e 17-të me 32 pikë, kur kanë mbetur edhe tri ndeshje deri në përfundim të Serie A.

Shpërndaje në rrjete sociale

Lajmet më të lexuara

Të ngjashme

Foto lajm